झापा ।। “ युवा उमेर होइन एउटा सोच हो। सोचमा खोट नहोस् सोच बदलौं देश बदलिन्छ” भन्ने नाराका साथ स्यालडाँगी युवा परिवार बिर्तामोड छ झापाको आयोजनामा सम्पन्न प्रथम स्यालडाँगी नकआउट फुटबल कप २०८२ को उपाधि सैनिक ११ फुटबल क्लब बिर्तामोड १० ले हात पारेको छ।
बिर्तामोड नगरपालिका वडा नम्बर ६ स्थित स्यालडागी खेलमैदानमा भएको फाइनल भीडन्तमा आयोजक स्यालडागी युवा परिवारलाई टाई ब्रेकर मा पराजित गर्दै उपाधि जित्न सफल भएको हो।
निर्धारित समयमा दुवै टोलीबाट एकएक गोलको बराबरी भएसँगै निर्णय ट्राइबेकरमा पुगेको हो। ट्राइबेकरमा आयोजक स्यालडाँगी युवा परिवारलाई ४/२ गोल अन्तरले पराजित गर्दै सैनिक ११ फुटबल क्लबले उपाधि जितेको हो।
उपाधि जितेसँगै सैनिक ११ फुटबल क्लबले नगद ३० हजार ट्रफी मेडल र प्रमाणपत्र प्राप्त गर्दा उपविजेता स्यालडागी युवा परिवारले नगद २०हजार ट्रफी मेडल र प्रमाणपत्रमा चित्त बुझाएको छ
विजेता तथा उपविजेता टोलीलाई प्रमुख अतिथि बिर्तामोड नगरपालिका वडा नम्बर ६ का वडा अध्यक्ष सूर्यप्रसाद कन्दङबा विशेष अतिथि बिर्तामोड नगरपालिका वडा नम्बर १० का वडाध्यक्ष दुर्योधन गुरुङ स्यालडाँगी युवा परिवारका अध्यक्ष विजय तामाङ लगायत अतिथिहरुले पुरस्कार प्रदान गरे
